Б

Бош

0 128

Сүпәт ①ичидә һеч нәрсә йоқ; қуруқ: бош қача, бош тағар. ②Адәм йаки нәрсидин халий, игиләнмигән; бикар: бош орундуқ. *-Муәллим, бизниң икки еғиз өйимиз пүтүнләй бош туруватиду. Шу өйгә көчүп келәмдила?-Деди меһрай муәллимгә сәмимий илтимас қилип. ③Иш, хизмәт билән мәшғул болмиған; иштин халий, бикар:-балимиз бош вақитлирида мушундақ нәрсиләрни йасап ойниса, зеһни ечилиду әмәсму?-Деди селим ака айалиға. ④Асан үзүлүп, йиртилип, сонуп кетидиған, пухта әмәс: бош йип. Бош кесәк. ⑤Күчсиз, зәип, аста, сус: бош аваз. Бош шамал.＊Йатақниң ишики бош чекилди. ⑥Көчмә мәнидики сөз. Қаттиқ қол, тәләпчан әмәс, бошаң: бош рәһбәр.＊Турсунму бош йигит әмәс, қизларға қандақ көрүнүшни билиду. ⑦Йетәрлик әмәс, кәм: заһир хәнзучида бошрақ иди. ⑧Қизғин әмәс, сус: дадиси бир-икки қетим бошқина кайип қойди.

Боғма

0 135

① Сүпәт. Боғуп қойулған йаки пүрүп қойулидиған, пүрмилик: боғма йақилиқ көңләк. ②Исим «тебабәт» бир хил йуқумлуқ кесәл. Кесәл қозғатқучиси боғма тайақчә бактерийси; адәттә йаз вә күздә көпрәк тарқилиду. Бу хил кесәлгә гириптар болғучиниң пүтүн бәдини зәһәрләнгән бәзи ағриқларниң авази пүтүп қалиду. Бу хил кесәл бәзидә йүрәк мускуллириниң йаллуғлиниши вә паләч кесәлликиниму кәлтүрүп чиқириду.

Боғум

0 192

Исим. ①Нәрсиләрниң һәрбир бөләклириниң өзара туташқан җайи: қомушниң боғуми. ②Бәдән сөңәклириниң өзара бириккән җайи: боғум йаллуғи. «Тил» ③бир йаки бирқанчә тавуш елементидин һасил болған әң кичик фонетикилиқ бирлик: очуқ боғум. Йепиқ боғум.