Мақал-Тәмсилләр (Қ)

0 322
  • Қапиқи ушшуқ, пулиға тушлуқ.
  • Қатардин қалма, хатадин қал.
  • Қаттиқ йағачни йумшақ қурт йәйду.
  • Қачиниң тегидә қача бар, сақтин зерәк гача бар.
  • Қарни башқиниң қайғуси башқа.
  • Қазанда нимә болса чөмүчкә шу чиқар.
  • Қассап йағ қайғусида, өчкә җан қайғусида.
  • Қашаң атқа мингүчә, пийадә маң өлгүчә.
  • Қаға балам апақ, кирпә балам йумшақ.
  • Қаға җигдини йимәң, мәйдәм ағриди димәң.
  • Қаға қағиниң көзини чоқумас.
  • Қамчиға күчимәй, йәмгә күчә.
  • Қанаәтлик кишиниң қарни тоқ.
  • Қанни қан билән йуғили болмас.
  • Қорққан йәрдә җин бар.
  • Қорқунчақ өлмәй туруп миң қетим өләр.
  • Қоштин чиқирип сөрәмгә сапту.
  • Қошмақ тәс, айримақ асан.
  • Қоңумда иштан йоқ, етим марҗан бүви.
  • Қол қолни йуса, қол килип йүзни йуйар.
  • Қоли билән елип, пути билән берипту.
  • Қоли қисқиниң йол қисқа.
  • Қоли очуқниң йоли очуқ.
  • Қомуш өйүм, күмүш өйүм.
  • Қойруқ көрситип өпкә сетипту.
  • Қурсақ тоқ, көңүл хош.
  • Қурсақ ағриқиң болмиса тавуз йийиштин қорқма.
  • Қурсақниң ачқини – әқилниң қачқини.
  • Қуруқ тағар өрә турмайду.
  • Қуруқ чақмақтин от чиқирипту.
  • Қуруқ гәпкә мүшүк аптапқа чиқмайду.
  • Қушқач болсиму қассап сойсун.
  • Қушқач кичик болсиму һәммә әзаси толуқ.
  • Қушни дан алдайду, адәмни сөз алдайду.
  • Қувлуқтин шумлуқ туғулар.
  • Қери билгәнни пири билмәс.
  • Қериғанда қери татуқ, қилиқлири андин артуқ.
  • Қерилиқ билән өлмәс, йашлиқ билән турмас.
  • Қеличниң күчидин қәләмниң күчи артуқ.
  • Қелинлиқ йерим дөләт.
  • Қичқарса ети бар, тутса сепи бар.
  • Қирғақ көрүп бөз ал, ана көрүп қиз ал.
  • Қизи йариса анисиға қарима, еши йариса қачисиға қарима.
  • Қизим, саңа ейтай, келиним, сән аңла.
  • Қишниң соғуқи йандин өтәр, әтийазниң соғуқи җандин өтәр.
  • Қийин иш йоқ аләмдә, көңүл қойған адәмгә.
  • Қәдирлигин вақтиңни, ишәнмигин өмрүңгә.
  • Қәрздарниң тили қисқа.
  • Қәйәргә йиқилишимни билсәм, шу йәргә пахал селип қойаттим.

Leave a Reply

Your email address will not be published. Required fields are marked *