Мақал-Тәмсилләр (С)

0 259
  • Сапал үчүн сақ қалғучә, гөһәр үчүн күкүм–талқан бол.
  • Сахта дост ашкара дүшмәндин йаман.
  • Садиқ дәп исим қойса, түлкә дәп ләқәм алди.
  • Сараңға сот йоқ.
  • Сараңни сараң дәвәрсә, күндә бир чишләм гөши сараң болар.
  • Сағлам тәндә сап әқил.
  • Сақал дигән өчкидиму бар.
  • Сайәңгә қарап бойуңни өлчимә.
  • Содиңиздин зерикмәң, херидарға терикмәң.
  • Сора – сора билим апту, уйила – уйила кийин қапту.
  • Соқушқақ хораз сәмирмәс.
  • Сөрәлмә пайдидин әпчил зийан йахши.
  • Сөз қелипида йахши, қилич ғилипида йахши.
  • Сөзлисәм тилим көйиду, сөзлимисәм дилим көйиду.
  • Сөзни қилиштин аввал, ағзиңда чайнап көр.
  • Сөйдүргәнму тил, бәздүргәнму тил.
  • Сөйгән йарим сән болсаң, көргән күнүм нимә болар.
  • Су бешида қум аққузар, айиғида таш аққузар.
  • Су кетиду таш қалиду, осма кетиду қаш қалиду.
  • Суда пиишмай кигиз болмас, отқа чүшмәй бигиз болмас.
  • Суға йеқин сучи келәр, чөлгә йеқин ночи келәр.
  • Сунайчидин йәл кетиду, һарвичидин «тирт, во во…».
  • Суниң беши лай болса айиғиму лай болиду.
  • Суниң қәдрини қудуқ колиған биләр.
  • Семизлик һайванға йаришар.
  • Сениң маңған йолуңдин, мениң өткән көврүкүм көп.
  • Сир бәргәнлик, җан бәргәнлик.
  • Сирлисаң сирлиқ айақ, сирлимисаң итқа йалақ.
  • Синалмиған досттин йолдики таш йахши.
  • Сийгәк суға амрақ.
  • Сәдиқә балани йәр, това гунаһни йәр.
  • Сәркиси болмиған пада йолдин азар.
  • Сәркә һушйар болса, малға апәт кәлмәс.
  • Сәллиси мусулман өзи капир.
  • Сәллә дигән йүк, сақал дигән түк.
  • Сән таш санисаң, башқилар қум санайду.
  • Сәһраниң беги болғичә, шәһәрниң ити бол.
  • Сәврниң теги алтун.
  • Сәвзидин хәвәр йоқ, гүрүч дәм йәпту.
  • Сәвәб қил, тәләп қил.
  • Сәвәб қилсаң севәттә су тохтар.

Leave a Reply

Your email address will not be published. Required fields are marked *