Мақал-Тәмсилләр (Й)

  0 294
  • Йа сайрамдин чиқар, йа қайнамдин чиқар.
  • Йа әләмдә йоқ, йа қәләмдә йоқ.
  • Йапсам тутарму, көмсәм пишарму.
  • Йатар қорсақ – кетәр қорсақ.
  • Йатниң йандин өтәр, туғқанниң җандин өтәр.
  • Йахши болса өзидин көриду, йаман болса өзгидин көриду.
  • Йахши дост ташлимас, йаман йолға башлимас.
  • Йахши сөз ташни йарар, йаман сөз башни йарар.
  • Йахши сөз дилни еритиду, йаман сөз җанни қеритиду.
  • Йахши ит өлүкини көрсәтмәс.
  • Йахшидин җапа кәлмәс, йамандин вапа кәлмәс.
  • Йахшиға күн йоқ, йаманға үлүм йоқ.
  • Йахшилиқ төргә башлайду, йаманлиқ гөргә башлайду.
  • Йахшилиқ қил, йаманлиқ күт.
  • Йахшилиққа йахшилиқ һәр кишиниң иши, йаманлиққа йахшилиқ әр кишиниң иши.
  • Йахшиниң қәдрини йаман билмәс.
  • Йаз болса қиш болмиса, аш болса иш болмиса.
  • Йасанчуқ тоңимайду, титирәйду.
  • Йаш төккичә мушт түг.
  • Йаш қеритмас, ғәм қеритар.
  • Йашлиқиңда билим ал, қериғанда ишқа сал.
  • Йалғанчиниң қуйруқи бир тутам.
  • Йалғуз йүрүп йол тапқучә чишиң төкүләр.
  • Йалғуз атниң чеңи чиқмас, чеңи чиқсиму деңи чиқмас.
  • Йалиңайақ судин қорқмас.
  • Йамақ йамап йармақ тап.
  • Йаман хотун алғучә, бойтақ йүргин өлгүчә.
  • Йаман күнләр йахши болар, йаман адәм йахши болмас.
  • Йаман һарва йол бузар, йаман адәм йурт бузар.
  • Йаман уруқтин йахши мевә болмас.
  • Йаманға йулуқсаң йариси йуқар, қазанға йулуқсаң қариси йуқар.
  • Йаманлиған абдалниң хурҗуниға зийан.
  • Йаманни айисаң йахшилиқ йоқ.
  • Йаманниң сүйини ичкүчә, қапиқини чеқивәт.
  • Йаманниң оти йаман.
  • Йаваш болса бош демәң, йумшақ болса гөш демәң.
  • Йавашниң мүңгүзи ичидә.
  • Йотқанға беқип пут узат.
  • Йорға мингән йолда қапту.
  • Йоқсузлуқ таштин қаттиқ.
  • Йол азаби, гөр азаби.
  • Йолдин чиқма, хандин қорқма.
  • Йолвасни йәңгән батур әмәс, аччиқни йәңгән батур.
  • Йоли башқа, мәнзили бир.
  • Йурт болса алван болмиса, тенч болса малиман болмиса.
  • Йурт қоғдисаң өсәрсән, қоғдимисаң өчәрсән.
  • Йүз қағиға бир шуңқар купайә.
  • Йүз аңлиғандин бир көргән әла.
  • Йүзүңдә қара болса әйнәктин көрмә.
  • Йүзүм қелин, көңлүм назук.
  • Йепиқлиқ қазан йепиқ пети қалсун.
  • Йетип йесә тағ тошумас.
  • Йетип өлгүчә етип өл.
  • Йетимниң ағзи ашқа тәгкәндә, беши ташқа тегиду.
  • Йешиға қаримай ишиға қара.
  • Йиткән пичақниң сепи алтун.
  • Йирақ болса кишнишәр, йеқин болса чишлишәр.
  • Йирақтики туғқандин йеқиндики қошна йахши.
  • Йирақтики суда уссузлуқ қанмас.
  • Йиқилған челишишқа тоймапту.
  • Йәттә өлчәп бир кәс.
  • Йәкчәшминиң шәһиригә барсаң бир көзүңни қис.

Leave a Reply