Аһ

1. Имлиқ сөз ①меһирмуһәббәт, күчлүк һессийат, сеғиниш, интизарлиқ, хушаллиқ қатарлиқ һес-туйғуларни ипадиләйду: аһ, җеним балам сени көридиған күнләрму болидикән-һә. ②Ечиниш, дәрд-әләм, һәсрәт-надамәт, налә-туйғусини ипадиләйду: «аһ» десә өпкиси көрүнүпту (мақал). ＊Аһ, шу күни өзүмниң немә болғанлиқимни һеч билмидим. 2. ③Налә, зар, дәрд, пиған: йигит айрилиш азабидин бир аһ урғаникән, униң аһи йәттә қат асманни, йәттә қат земинни титритипту. *Аһ урармән, аһ урармән, аһлирим тутқай сени; көз йешим дәрйа болуп, белиқлирим йутқай сени.