Патиһә, Патиһәси

Исим [әрәбчә] ①«дин» қуранниң биринчи сүриси, башлиниши. ②Биравни йоқлап йаки зийарәт қилип һузуриға вә өйигә барғанда әһваллишиштин илгири йахшилиқ тиләп ейтилидиған дуа: патиһә қилмақ. ＊Теримдин кәлгиниңни аңлап патиһә оқуп келәй дәп келивидим. ③Бирәр ишни башлиған кишигә йахшилиқни тилигән һалда берилгән рухсәт, иҗазәт: содигәрләр униңға һәр күни салам берип униңдин патиһә алғандин кейин, өз тиҗарәт орниға берип дукинини ачидикән. ④Өлүм узитилған өйдә өлүмдин кейин бирқанчә күн ичидә йаки һейт күнлири мәрһумниң роһиға атап қилинған дуа вә тәзийиләр: әпәндим байниң өйигә патиһәгә берип:-мәрһумниң гөри чоңқур болсун,-дәп дуа қилипту. ⑤Қиз билән йигит турмуш қурушни мақул көргәндин кейин оғул тәрәпниң қиз тәрәп аилисигә барикалла ейтип бәргән тәшәккүр дуаси: патиһәдин кейин абдуварис мупти той вақтини сориди. ⑥Никаһ мурасимида оқулған хутбә дуаси: һаҗи ишан алдирап-тенәп никаһ патиһәсини оқуди.