Пишмақ

Пеил ①өсүп, раваҗлинип истемал қилишқа, ишлитилишкә болидиған, йарамлиқ һалға кәлмәк; йетилмәк (мевәчевә, данлиқ зираәт вә шуниңға охшашлар һәққидә): пишқан қоғун сапиқида турмас (мақал). ②Қоруш, қайнитиш, дүмләш қатарлиқ усуллар арқилиқ истемал үчүн тәййарланмақ: тамақ пишмақ. ＊Бәрмәсниң еши пишмас, очақ бешидин чүшмәс (мақал). ③Көчмә мәнидики сөз. Бирәр ишқа, саһәгә тәҗрибилик болуп йетилмәк: кәсипкә пишмақ. ④Көчмә мәнидики сөз. Чениқмақ, тавланмақ: бәхтийар сөзләветип, әмгәктә пишқан қатмал қоллири билән саадәтниң пахтидәк ақ, йумшақ қоллирини аста тутти. ⑤Көчмә мәнидики сөз. Қарар қилмақ, бирликкә кәлмәк (мәслиһәт һәққидә): шу кечидә мәслиһәт пишти, черикләр таң атқанда җәңгә атлинишқа пәрман берилди. ⑥Көчмә мәнидики сөз. Йетип кәлмәк; һазирланмақ (вақит, пәйт, шәрт шараит һәққидә): шәрт-шараити пишмақ. ⑦Көчмә мәнидики сөз. Сиңиш болуп қалмақ, адәт болмақ (көзи вә қулаққа): көзи пишмақ. ＊Бу гәпләрни тола аңлап, мениң қулиқим пишип қалди. ⑧Көчмә мәнидики сөз. Чиңдалмақ, пишшиқланмақ: кигиз пишти. Хиш йахши пишти. ⑨Пеил. Су вә шуниңға охшаш суйуқлуққа чилап һөл қилмақ, чөмүлдүрмәк: суға пишмақ.