①Пеил хемир қатарлиқларни әйләп пишурмақ, қол билән муҗуп әйлимәк, пишурмақ: хемирни йимирмәк.
②Қаттиқ нәрсиләрни қол йаки мунасивәтлик әсваблар билән сиқип, муҗуп езип увимақ, езилгән, муҗулған, увақ һаләткә кәлтүрмәк: у деңиз саһилида олтуруп, бир қоли билән ташни йимирип увап, йәнә бир қолини қумға патурупту.
③Қаш-көз, ләв қатарлиқ әзаларни пүрүштүрмәк, пүрмәк йаки йеник түрмәк: -һә, бу немә дегиниңиз?-Дәпту шаһ қашлирини йимирип. *У қапқара, инчикә бурутини йимирип олтуруп, гәп башлиди. *-Саңа немишқа тәң иди, -деди мәшурахун калпукини йимирип, -түгәп кәтсә, тепип беридиған адәм мән әмәсму?
④Көчмә мәнидики сөз. Бирәр гуруһ, тәшкилат, һакимийәткә охшаш җәмийәткә тәсир көрситиватқан иҗтимаий күчни ағдурмақ, йоқатмақ, йаки уни түрлүк васитиләр билән әслидики күч-қуввитидин мәһрум қилмақ, аҗизлаштурмақ, ғулатмақ, вәйран қилмақ: қәтий тәдбир қоллинип барлиқ әксилинқилабий күчләрни парчилаш вә йимирип ташлаш керәк. *Биз ахири феодализм түзүмини йимирип ташлидуқ. *Түн-җаһаләтни йимиргәч һөр заман, өрлиди әл, түзлинип тосқун даван.
