Зағра нан – нанниң бир түри болуп, қонақ унини асаслиқ материйал қилип тәййарлиниду, қуруқ болуп, узақ сақлашқа болиду.
Тәййарлаш усули:
1. Қонақ униға туз қуйуп, қизиқ суда хемир йуғуруп, хемир совуғанда хемиртуруч, ушшақ тоғралған кава арилаштуруп, бир саәт қойуп болдурулиду. Андин 140-200 сәр чоңлуқта зовула үзүп ақ унда қурғунлап, икки сантиметир қелинлиқта нан йасап, йүзигә пичақ йаки түкчә билән чапрас бәлгә урулиду.
2. Қизитилған тонурға йеқип җөвәндә нанға охшаш қилип пишурулиду. Пишуруш вақти узунрақ болиду. Бу нанни қәшқәр вә хотәнниң көпинчә йәрлиридә су вә туз билән йуғуруп хемирни болдурмайму йақиду.
Асаслиқ материйали: Қонақ уни бәш килограм, туз мувапиқ миқдарда, су икки йерим килограм, ақ ун 500 грам, аш кависи бир килограм, хемиртуруч 175 грам.
Зағра нанниң пайдилири:
Зағра нан тәбиийти җәһәттин қуруқ иссиқ дәп қарилиду, зағра нанниң ашқазан, үчәйни озуқландуруш вә үчәй һәркитини тизлитиш, бәдәндики һәрқайси орунлардики қан томурларни кеңәйтиш, қан айлинишни йахшилаш, қандики майларни парчилаш, сүйдүк һәйдәп бөрәкниң йүкини йәңгиллитип, ракниң алдини елиш вә тәрәққийатини тизгиләш, чоң тәрәтни раванлаштуруш, бәдәнни озуқландуруп ениргийә билән тәминләш, бәдәндики һөллүкни қурутуш, һәрқайси тоқулма әзаларға қуввәт һасил қилиш, қандики майни иритип җигәр хизмитини йахшилаш, иштиһани ечиш қатарлиқ хусусийәтләргә игә. Шуңа зағра нанни күндә мувапиқ стимал қилип бәрсә саламәтлик үчүн интайин пайдилиқ.
