①Сүпәт. Бир йилға мөлчәрләнгән; бир йил ичидә болуп өткән йаки болидиған әһвалларға аит, көрситилгән йилға, шу йилдики әһвал-вәқәләргә мунасивәтлик: у чағда бизләрдин йиллиқ имтиһан елинивататти. *Йиллиқ хуласидә һәрбир кишиниң хизмитини баһалашта мушу хатирә асас қилиниду. ②Сүпәт. Миқдар вә санни билдүридиған сөзләр билән келип «шунчә йилға мөлчәрләнгән; шунчә йил давам қилидиған йаки қилған; шунчә йил болған» дегәндәк мәниләрни билдүриду: ахири мениң үч йиллиқ оқуш вақтим тошуп, хизмәткә тәқсим қилиндим. *Мән дәсләпки 19 йиллиқ һайатимни ашу йәрдә өткүздүм. *Сиз билмәйсиз, қасим дегән бизниң йезимизниң он нәччә йиллиқ су кадири. ③Исим мәктәпләрдики оқуғучиларниң мәктәпкә киргән йил чәклимиси асасида бөлүнгән дәриҗә айримиси: 92-йиллиқ Уйғур тили синипи. 3-Йиллиқ 2-синип. ④Исим. Йил бойи сәрп қилған меһнити, әмгики...

«Маарип» оқуғучиниң бир йиллиқ оқуш җәрйанидики өгиниш, әхлақ, интизам вә һәр хил паалийәтләрдики ипадисигә берилгән омумий баһа.

«Астрономийә» турғун йултузларниң арилиқини өлчәштә йәр шариниң қуйаш әтрапида айлиниш орбитисиниң радиуси асаси сизиқ қилиниду. Буниңдин чиққан параллакс йиллиқ параллакс дәп атилиду.

«Иқтисад» бир йилда кирим қилинған омумий пайда.

«Иқтисад» бир йилда ишләпчиқарған омумий қошумчә қиммәт миқдариниң пүтүн аванс капиталға болған нисбити.

Ишләпчиқириш, хизмәт вә өгиниш қатарлиқларниң бир йилға мөлчәрләнгән пилани.

«Иқтисад» йил ахирида қилинған тәқсимат.

«Малийә» дөләт, ширкәтләрниң хамчот йили ичидики барлиқ чиқими.

«Иқтисад» ишләпчиқиришқа қатнашқучиларниң йил ахирида алидиған бир йиллиқ әмгәк һәққи.

«Иқтисад» бир йил ичидә, ишчиниң қошумчә әмгики йаратқан қошумчә қиммәтниң омумий миқдари.

«Иқтисад» бир йил ичидә ишләпчиқарған қошумчә қиммәтниң омумий миқдариниң алдин чиқим қилинған өзгиришчан капиталниң омумий соммисиға болған нисбити.

«Малийә» дөләт, ширкәт йаки шәхсләрниң хам чот йилидики барлиқ кирими.