Исим. Аҗрилип чиққан нәрсә, тәркиб.

①Сүпәт. Туташқан җайидин айрилип кәткән; сунуқ: пути аҗрақ орундуқта олтурғили болмайду. ②Исим. Нәрсиләрниң аҗрилип турған дәзи, йериқи, йочуқи: йағач туңниң аҗриқидин су чиңқап чиққили башлиди.

①«Аҗримақ» пеилиниң өмлүк дәриҗиси: улар алдирап-тенәп бир-бириниң қучиқидин аҗрашти-дә, қасим акиға қарап күлүмсирәшти. ②Әр хотунлуқ мунасивәттин айрилмақ, әр-хотунлуқ мунасвәтни үзмәк: мәвланниң хотуни билән аҗрашқиниға техи бир айму болмиғаниди.

Исим «геологийә» минералларниң физикилиқ хусусийәтлириниң бири, минерал кристаллири сиртқи күчниң тәсиригә учриғанда, мәлум кристал йүз йөнилиши бойичә тәкши йүздә йерилидиған даимлиқ хусусийәт. Аҗрашчанлиқниң муқимлиқ дәриҗиси минералларниң хилиға қарап һәр хил болиду.

«Аҗраштурмақ» пеилиниң мәҗһул дәриҗиси: шундақ қилип ахири улар никаһтин аҗраштурулди.

«Аҗраштурмақ» пеилиниң өмлүк дәриҗиси.

«Аҗрашмақ» пеилиниң мәҗбурий дәриҗиси: уларниң аилә мунасивити бузулғили хели болуп қалғаниди, уларни соттин аҗраштурувәтти.

Пеил ①«аҗримақ» пеилиниң мәҗбурий дәриҗиси: һейтахун қочқарниң терисини аҗритип, алма шехиға асти. ②Пәрқләндүрмәк: қарап турған кишигә униң күлкиси билән йиғисини аҗритивелиш тәс иди .③Халас қилмақ, қутулдурмақ: бешимизда дүшмәнләр қиличини ойниитар, бу дозахтин нозукни қандақ бир җан аҗритар?! ④Бирәр мәқсәт үчүн атимақ, чиқармақ, бәлгилимәк: бу қетимқи паалийәткә идаримиз миң йүән аҗратти. ⑤Әһдини, никаһни бузмақ, мунасивәтни үзмәк: у қизини 15 йил өй тутқан еридин зорлуқ билән аҗритивалди. ⑥«Биологийә» җанлиқ организмлар тенидики бәзи һүҗәйрә, тоқулма йаки әзалар мәлум аҗралмиларни айрип чиқармақ.

Исим. Аҗритип чиқирилған йаки аҗритип елинған нәрсә, аҗритип елинған тәркиб.

Исим [әрәбчә+парсчә] һәр хил һайванлар, болупму тәтқиқат қиммити йуқири болған, бәзибир аз учрайдиған һайванларни беқип, кишиләрниң екскурсийә қилиши үчүн тәййарланған орун.

[Әрәбчә] ①сүпәт. Наһайити қизиқ, кишини һәйран қалдуридиған, тәсәввурға сиғмайдиған, қизиқарлиқ: оғлидин бу аҗайип вәқәни аңлиған қасимахун устамниң шадлиқидин уда бирқанчә кечигичә уйқуси кәлмиди. ②Сүпәт. Ғәйрий, ғәлитә, башқичә:-мана әмди сизни ойлисамла аҗайип болуп қалимән,-деди зәйнәп камилниң көзиниң ичигә қарап. ③Сүпәт. Наһайити йахши, қалтис, пәйзи: биләмсән, һәй адаш, шу турқида бир аҗайип қиз сениң үчүн толғинип ухлийалмайватиду. ④Рәвиш. Наһайити, интайин, толиму, хойму, бәк: униң саңа аҗайип һәвиси келәтти.

Наһайити қизиқ, һәйран қаларлиқ, аламәт: бу аҗайип-ғарайип вәқә һәммини һәйран қалдурупту.